CAGAYAN DE ORO CITY-Gikompirmar ni CIDG deputy director for operations Supt Melgar Devaras nga sulod-gawas ang wanted person nga si Misamis Occidental board member sa Ricardo ‘Ardot’ Parojinog sa Bukidnon.
Kini human nag-positibo ang presensiya ni Parojinog sa miembro sa Kuratong Baleleng Gang sa Brgy Kinawe,Libona.
Miingon si Devaras nga gilauman nila masikop si Parojinog apan posibleng naka-eskapo kini kuyog si kanhi Kinawe Brgy Kapitan Tarcisio Barros.
Nagdala ang CIDG sa dakong puwersa rason nga nasikop ang dul-ag 20 ka miembro sa Kuratong Baleleng Gang kagahapon sa kadlawon.
Samtang kasuhan sa pagbaton sa ilegal nga mga armas ug kasangkapan paghimo’g bomba ang miembro sa pamilyang Barros ug 17 ka private army members sa piskalya sa Manolo Fortich,Bukidnon ugmang adlawa.
Kini human nakuhaa’g 12 ka armas ug bomb making materials si Kinawe Brgy Kapitan Cherry Barros sulod sa mga pinuy-anan niini sa Libona,Bukidnon.
Miingon si CIDG deputy director for operations Supt Melgar Devaras nga kabahin sa kasuhan si kanhi Kinawe Kapitan Tarcisio Barros ug anak nila ni Kap Cherry nga si Michael.
Nasayran nga samaron ang tulo ka sundalo nga nakig-pinusilay sa mga Barros sa maong lugar.
Samtang gihimakak sa dinakpan nga si Kinawe Brgy Kap Cherry Barros nga nangabuso sila ug nalambigit sa daghang ilegal nga kalihukan sa Libona,Bukidnon.
Kini human gimando sa korte nga sudlon ang unom nila ka balay kay nagbaton sa mga armas .
Miingon si Barros nga mismo ang iyang bana nga si kanhi Brgy Kapitan Tercisio Barros ang nanghulam sa mga armas aron i-depensa sa ilang mga kinabuhi.
Gikontra usab ni Barros ang pasangil sa kapolisan nga nangilog sila’g mga yuta ug nalambigit sa ilegal nga mina sa lugar.
