CAGAYAN DE ORO CITY-Gitugyan na sa korte ang wanted person nga nag-atubang sa duha ka dagkong kasong kriminal sa lungsod sa Don Victoriano,Misamis Occidental.
Kini human nasikop sa hiniusang puwersa nila ni Don Victoriano Police Station commander Sr/Insp Glen Banatero ug Bulua Police Station commander Sr/Insp Ian Datelis sa Bulua terminal sa syudad kagahapong adlawa.
Nag-atubang ang akusado nga si Romulo Marababon rJr nga taga-Davao City sa kasong murder ug attempted homicide hinungdan nga gisikop subay sa warrant of arrest.
Gitakdang atubangon ni Marababon ang iyang duha ka kaso sa sala ni RTCs 10th Judicial Region Judge Sylvia Singidas-Machacon nga nakabase sa Tangub City.
