CAGAYAN DE ORO CITY-Patay ang wanted person human misukol sa operasyon nga gihimo sa kapulisan diha sa Purok 2, Barangay Camuayan Balingasag, Misamis Oriental.
Giila ang biktima nga si Rolly Llagas Pilonan, 30-anyos, residente sa maong dapit.
Matud ni Balingasag Municipal Police Station commander S/Insp Ismael Gundaya nga misukol ang suspek sa dihang ilang gisilbi ang warrant of arrest sa kasong qualified malicious mischief.
Unang namusil ang suspek gamit ang improvised shotgun hinungdan nga gi-resbakan sa mga operatiba ug naigo ang iyang tiyan.
Gidala pa sa hospital ang biktima apan gideklara sa mga doktor nga dead on arrival.
