CAGAYAN DE ORO CITY – Patay ang usa ka wanted person human misukol samtang sa gibasahan sa warrant of arrest sa Purok-4, Brgy Victory, Lantapan, Bukidnon.
Namahayag si Police Major Noel Cano sa Lantapan Police Station nga paspas midagan palayo sa arresting team ang suspek nga si Rodolfo Talino alyas “Katol”, 56 anyos, biyudo, usa ka mag-uuma ug residente sa maong lugar.
Samtang gilakag ang suspek kalit kining mibunot sa iyang armas ug namusil sa makatulo nga higayon.
Mibalos ang mga operatiba hinungdan nga naigo ang iyang tiil, ug duha sa dughan.Paspas nga gidala sa ospital ang suspek apan gideklarar kini sa mga doktor nga dead on arrival.
Nakuha sa posisyon sa suspek ang 38 calibre nga armas, mga bala ug taas nga sundang.
Hisayran nga muabot na sa 11 ka tuig nga nagtago sa balaod ang suspek nga nakapatay sa iyang higala sa Bukidnon.
