CAGAYAN DE ORO CITY-Patay ang no.9 most wanted person provincial level human giingong misukol sa mga pulis nga nag-serve sa warrant of arrest sa Purok 6 Brgy Salimbalan,Baungon Bukidnon kaganihang kadlawon.
Giila ang napatay nga si Noli Reyes, hingkod ang panuigon ug molopyo sa maong dapit.
Gibutyag ni Police Major Christian Relibo, hepe sa Baungon Police Station nga dihang nakabantay si Reyes sa mga pulis nga padulong sa ilang balay, kalit kining mibunot sa iyang armas ug namusil.
Apan agi’g depensa, daling nakabalos si Police Corporal Frederick Goles rason napusilan si Reyes nga naligid pa sa pangpang tungod sa mga pinusilan.
Dead on arrival na nga miabot sa J.R Borja City Hospital ning syudad kay nagbaton diay kini sa tulo ka igo sa iyang lawas.
