CAGAYAN DE ORO CITY-Nangugat ang kapolisan nga napugos sila pagpusil-patay sa wanted person kay giingong misukol kanila dihang gipatuman ang warrant of arrest sa Brgy Macasandig sa syudad.
Kini human napusilan sa dughan sa suspek nga si Jimboy Naguio kay mipusil usab kanila gamit ang kalibre 38 nga armas.
Miingon si Crimes Against Person and Property Desk o CAPPD head Sr/Insp Mario Mantala Jr nga sa pagsusi sa lawas sa suspek,nakuha ang granada ug pipila ka gitoohang shabu sachets.
Unang gisulod nila ang balay diin naghimo’g paghithit ang suspek kuyog ang mga kauban niini.
Si Naguio ang gitumbok sa kapolisan nga dunay kasong kriminal tungod sa kasong carnapping ug snatching sa syudad.
