CAGAYAN DE ORO CITY – Gikompirmar ni City Police Director Col Aaron Mandia nga nalugwa na ang warrant of arrest gikan sa korte alang sa kasong murder batok sa utok sa pag-ambush patay kang Maria Reyna -Xavier University Hospital medical medical director Dr Raul Winston Andutan sa Brgy Nazareth sa syudad sa miaging Disyembre 2021.
Miingon si Mandia nga gisugdan na sa ilang special unit operatives ang pagpangita sa duha ka personalidad nga wala una hingangli aron dili usab mabalda ang gilusad nila nga operasyon.
Dumduman nga tulo sa lima ka gun for hire suspects nga una nila nadakpan sa Balingoan,Misamis Oriental ang nakasuhan sa murder ug detinado sa Lumbia City Jail ning syudad sa miaging bulan.
Hisayrang daghan ang anggulo nga nanggawas sa kamatayon sa biktima apan bisan usa walay gi-kompirma sa kapolisan samtang nagpadayon ang ilang imbestigasyon.
