CAGAYAN DE ORO CITY, Philippines – Warrantless Arrest ang tubag sa Commission on Elections (COMELEC) aron paspas nga madakpan sa kapulisan ang mga indibidwal nga masapon sa vote buying ug vote selling.

Sa labing lab-as nga COMELEC Resolution 11104, gitin-aw niini ang pagpalig-on sa gahum sa Committee on Kontra-Bigay sa Comelec aron mamonitor, ma-aksyonan, ug mapasulod sa prisohan ang mga malapason sa Election Code.

Unod sa balaod ang pagdakop sa bisan kinsa nga personalidad oras nga ma-aktuhan sa mga sakop sa pulis o miyembro sa law enforcement agencies ang himoong transaksyon.

Ang ebidensya nga makuha sa crime scene maoy gamiton sa poll body isip probable cause aron masang-atan sa kaso sa korte.