CAGAYAN DE ORO CITY – Wala gidasig ni Commission on Elections o Comelec 10 regional director Renato Magbutay ang katawhan sa pagpatuman sa warrantless arrest batok sa maka-supak sa balaod sa pili-ay.
Gibutyag ni Dir Magbutay nga angay ang mga otoridad na lamang ang magpatuman niini aron malikayan ang kagubot.
Hinoon,gi-angkon niini nga nalatid na usab sa revised penal code ang warrantless arrest diin ang mga sibilyan mahimo usab nga maka-dakop sa mga tawong ma-aktohang nakahimo ug kalapasan atol sa pili-ay.
Samtang gitambagan na lamang ni Magbutay ang katawhan nga itaho na lamang ngadto sa mga otoridad kon duna silay masaksihan nga gahimo’g kalapasan atol sa eleksyon ilabina na ang nagka-grabeng kaso sa vote buying.
