CAGAYAN DE ORO CITY-Kompiyansa ang Golden State Warriors nga makabawi sila sa game 4 sa NBA finals kontra Toronto Raptors ug ilang matabla ang serye sa 2-all.
Gihimo ni Warriors Head Coach Steve Kerr ang pahayag human sila latusa sa Raptors sa game 3 sa final score nga 123-109 bisan kon sa ilang homecourt sa Oracle Arena gihimo ang dula sa miaging adlaw
Napukan ang Warriors taliwalang mitala sa career high-47 points ang ilang star player nga si Stephen Curry.
Asoy ni Kerr nga gilaumang makabalik ug dula sa game 4 sila si Kevin Durant ug Klay Thompson, kinsa pulos nakaangkon ug injury.
Si Durant nakaangkon ug injury niadtong Mayo sa ilang dula kontra Houston Rockets sa semifinals sa NBA Western Conference.
Samtang si Thompson ang nakasinati’g strained left hamstring atol sa Game 2 sa NBA finals diin sila midaug batok sa Raptors.
Sa iyang bahin, namahayag si Curry nga molig-on ang ilang opensa sa game 4 kon makabalik ug dula si Durant.
Apan sa ulahing report si Thompson ug Kevon Looney lamang ang gisulti Keer nga makadula’g balik batok Toronto.
