CAGAYAN DE ORO CITY – Gipalig-on pa sa kagamhanang-lokal ang paghatag proteksyon sa kinaiyahan diin nagsilbing puy-anan sa libuang katawhan sa dakbayan.
Kini human panguluhi ni City Mayor Klarex Uy ang pagtugyan sa waste water treatment facility nga magamit sa engineered sanitary landfill sa Sitio Buracan,Brgy Pagalungan ning syudad.
Gihimo ang pagtugyan nunot sa kasaulugan sa World Environment Day mismo ning adlawa.
Gisaksihan ang kalihukan mismo ni CLENRO manager Engr Armen Cuenca, Environmental Management Bureau 10 Regional Director Reynaldo Digamo sa Department of Environment and Natural Resources 10 ug ubang mga opisyal sa kagamhanang-lokal kaganihang buntag.
Namahayag ang mayor nga unta makahatag pa kini sa dugang kalig-unan sa pagpanalipod sa kinaiyahan.
Samtang gipasabot usab ni Cuenca nga ang pasilidad ang may kapas mo-proseso sa 300 cubic meter sa duga sa basura nga hinakot gikan sa urban area pasaka sa landfill.
Gumikan niini,nasunod pa sa city govt ang mga regulasyon nga gisitar sa DENR-EMB.
