CAGAYAN DE ORO CITY, Philippines – Wala nay nadugang nga ihap sa mga tawong namatay tungod sa Super Typhoon Carina ug Enhanced Habagat nga nagresulta sa grabeng pagbaha sa Northern ug Central Luzon sa milabay’ng semana.
Segun sa National Disaster Risk Reduction and Management Council, nagpabilin 34 ang ihap sa mga namatay, kundiin 12 gikan sa Calabarzon, 11 saMetro Manila, 9 saCentral Luzon ug duha sa Bicol Region.
Namahayag si PNP public information officer Col. Jean Fajardo nga 22 sa mga nabangalan, pulos namatay sa pagkalumos; lima ang nakuryentihan, unom ang patay sa pagdahili sa yuta ug usa ang nabusdakan sa nalangkat nga dakung kahoy.
Gibana-bana sa NDRRMC nga misaka pa 1.3 million ka tawo, kon, 299,344 pamilya ang apektado sa milabay nga mga kalamidad.
Una niini, milaraw si Presidente Bongbong Marcos nga magmugna sa water impounding facility sa Central Luzon aron malikayan ang grabeng pagbaha.
