Gidepensa sa Chairman of the Board sa Cagayan de Oro City Water District (COWD) ang ilang sugyot nga ipatuman ang “water rate hike” sa tuig 2026.
Sa interbyu sa Bombo Radyo, gipasabut ni Director Gerry Caño nga sulod sa kinse ka tuig wala nagpatuman sa pagtaas sa singil sa tubig ang kompanya.
Busa, angayan lamang nga dunggon ang ilang petisyon sa Local Water Utilities Administration (LWUA) ug sa mga konsumante sa dakbayan.
Miingon si Caño, daku na ang epekto sa mga pinansyal nga adjustments gikan sa pondo sa COWD tungod sa operational ug logistic expenses nga matag tuig nagasaka, apan wala pa sila sukad naningil sa dugang bayrunon sa tubig.
Gawas niini, nagsaka usab ang ilang budget para sa suweldo sa mga trabahante, kay gimando man sa balaod nga adunay regular nga pagtaas sa suweldo dinhi sa Northern Mindanao..
