CAGAYAN DE ORO CITY-All systems go na ang selebrasyon sa Week of Peace” sa Marawi City sugod ning adlawa.
Kini ang gibutyag ni Joint Task Force Bangon Marawi Assistant Secretary Felix Castro sa pakighinabi sa Bombo Radyo.
Gibutyag ni Castro nga sugod ning adlawa kutob sa Mayo 23 ilusad nila ang nagkadaiyang buhatan ang libre nga mga serbisyo alang sa mga apekadong residente sa kanhi kagubot sa maong syudad.
Lakip na kaabag sa Joint Task Force ang DoH alang sa sebisyo medical, civil registry, libre nga alot ug nagkadaiyang seminars nga magtudlo sa IDPs sa kabililhon sa kalinaw.
Dugtong niini, milaum si Castro nga dili na masubli pa ang urban warfare sa Marawi
nga mugna sa grupong Maute-ISIS sa 2017.
Samtang sentro sa pag-ampo sa mga igsoong Muslim nga mapadali ang pagbangon sa naguba nga syudad sa Marawi,Lanao del Sur.
Kini samtang gisugdan na sa Muslim countries ang pag-obserbar sa usa sa mga haligi sa pagtoong Islam nga magpaubos sa mga pag-ampo ug sakripisyo pinaagi sa
Ramadan.
Miingon si kanhi National Commission on Muslim Filipinos o NCMF regional director Atty Ombra Gandamra nga unta dili mapasagdan sa gobierno ang pagpabalik sa kahimsog sa ekonomiya sa Marawi City.
Kini ang hinungdan nga kabahin sa ilang pag-ampo sa Ramadan nga ilikay na sa kagubot ang Marawi City nga mugna sa mga terorista sa miaging Mayo 23,2017.
