Magpabilin sa heightened alert status ang kapulisan sa dakbayan gikan sa pagsugod sa mga preparasyon alang sa tibuok bulan nga pagsaulog sa Higalaay Festival hangtod sa katapusan ning bulana.
Sumala ni Cagayan de Oro City Police Office spokesperson Major Emilita Simon, maayo nga gi-deploy ang ilang mga kapulisan aron masiguro ang kaluwasan sa publiko ug sa mga VIP nga motambong lakip na sa Mindanao Business Conference.
Tipik usab sa ilang lakang ang hugot nga weekly peace and order drive aron mapugngan ang bisan unsang klase sa kriminalidad sa mga dapit nga pundokanan sa mga tawo.
Malaumon usab ang opisyal sa kooperasyon sa katawhan pinaagi sa pagtaho sa mga katingalahang lihok kauban ang tabang sa media aron mapalapdan ang mga pahimangno alang sa kalinaw sa tibuok dakbayan.
