CAGAYAN DE ORO CITY-Patay sa pagnigbas ang welder dihang gitabangan sa tulo ka lalaki sulod sa iyang pinuy-anan sa Purok 3, Brgy 3, Villanueva, Misamis Oriental.
Giila ni SOCO investigator Insp Paul Jeane Ragmac ang biktima nga si Rico Tampus, 37 anyos, minyo ug nagpuyo sa maong lungsod.
Miingon si Ragmac nga nakaangkon sa pito ka tinigbasan ang lawas sa biktima gikan sa wala mailang mga suspek hinungdan sa gilayong kamatayon niini.
Nagtoo si Ragmac nga wala makabatay ang biktima dihang gi-atake kini sa mga suspek sa maong lugar.
Pagdumot ang gitutukan sa kapolisan nga hinungdan sa brutal nga pagtigbas-patay.
Kini human dul-ag napulo ka samad tinigbasan ang nahiaguman sa biktima.
Giangkon sa pamilya sa namatay’ng biktima nga hilig kini sa inom apan dili mangita’g kagubot sa mga silingan.
Gibutyag ni Tessie Tadena, igsoon sa biktima nga wala sila sukad nakabantay nga duna kini nakaaway bisan nga anaa kini sa bisyo sa inom.
Miingon si Tadena nga nasubo sila pag-ayo sa gidangatan ni Tampus ilabina nga gisaulog pa nila ang ika10 ka tuig nga death anniverary sa ialng amahan kagahapong adlawa.
