CAGAYAN DE ORO CITY – Gipangita sa mga otoridad ang construction worker nga mitigbas-patay sa usa ka welder sa Zone 10 Calaanan,Brgy Canitoan ning syudad.
Wala pa gihapon motahan sa iyang kaugalingon si Joseph “Jojo” Ancajas human niya mapatay si Christopher Salise sa nasampit nga dapit tungod lamang sa simpleng istorya.
Nakaangkon sa napulo ka samad tinigbasan si Salise nga miresulta sa iyang hinanaling kamatayon.
Una nang gipasaligan ni Brgy Canitoan Kagawad Joseph Taboclaon, chairman sa peace and order nga tabanga nila si Jojo sa pag atubang sa salaud niini sa higayon nga motahan kini.
