CAGAYAN DE ORO CITY – Inay scare tactics, igong awareness campaign ang gilusad sa Western Mindanao Command sa AFP sa milabay’ng election period.
Kini ang gikompirmar ni Westmincom spokesperson Lt. Col. Gerry Besana sa pakighinabi sa Bombo Radyo.
Si Besana namahayag nga nahimong epektibo ang gimugna nga Joint security coordinating council sa Commission on Elections, Philippine National Police ug AFP.
Tungod sa Martial Law ug walay puwas nga kampanya sa militar batok kalapasan sa election code, napamatud-an sa kasundaluan nga wala makasi-aw sa pagpangilkil ang mga rebeldeng New Poeoples Army.
Gawas niini milusad sa pre-election campaign ang westmincom batok loose firearms ug potential private armed groups nga gi-atiman sa pipila ka mga pulitiko ubos sa ilang AOR.
