Nagtapok ang mga nagpa-ila nga “whistle blowers” aron ipahungaw ang ilang pagsupak sa commerical development sa Xavier University Manera Campus.
Pinaagi sa gisumiter nga position paper sa nagkahiusang mga abogado, ug XU Alumni Groups, ilang gikondinar ang dayag nga pagsupakan sa orihinal nga statutory conditions sa 1958 land grant gikan sa gobyerno.
Namahayag si Atty Ralph Metrillo nga misimang ang tahas sa gobyerno kay mas gipaboran niini ang joint venture sa usa ka land developer, aron himoong commercial ug residential complex ang gi-ampingan nga luna sa unibersidad.
Nagpadumdum si Atty Metrillo nga ang 67 ektarya nga Manresa property napadulong sa pagdumala sa unibersidad pinaagi sa Patent no. V-24766 ubos sa state subsidized nga presyo sa balor P3,236.
Kini nga grant gi-isyu sa ubos sa Section 70 sa Public Land Act (CA 141) nga nagmando nga gamiton ang luna alang sa iyang “exclusibo” nga tumong subay sa nalatid sa orihinal nga applikasyon sa grantee, kundiin, alang lamang kini sa edukasyon ug wala nay lain pa.
Maoy kaatbang sa concerned XU Community ang land developer nga Cebu Land Master, ug gidasig ang Department of Energy and Natural Resources (DENR) nga imbestigaran kini nga isyu.
