CAGAYAN DE ORO CITY – Bisitahon karong adlawa sa mga eksperto sa Research Institute of Tropical Medicine o RITM ug World Health Organization o WHO ang Northern Mindanao Medical Center ug DoH-10 ning syudad.
Tumong niini nga masuta ang mga laboratoryo kon may kapas ang ospital nga magsilbing testing center sa rehiyon.
Miingon si Department of Health -Northern Mindanao Infectious Diseases cluster head Dr. Ian Gonzales nga kabahin usab sa sutaon sa mga eksperto ang DOH’s TB Reference Laboratory ug uban pang private hospitals laboratories.
Una nang gibutyag ni Gonzales nga natapos na ang stage 1 self-assessment ug naglaum nga mopasar ang hospital sa laing stage.
