CAGAYAN DE ORO CITY – Ilusad sa PNP-CIDG ug NBI ang ‘whole of nation approach’ o pagtinabangay sa tanang ahesnsiya sa gobierno aron mapadali ang pagbungkag sa grupong Kabus Padatoon o KAPA Ministry International Incorporated .
Kini human unang giwad-ag bili sa Security and Exchange Commission o SEC ang rehistro sa KAPA ug gidid-an usab sila nga ipadayon ang ilang ‘investment taking’ sa mga ma-recruit nga mga miembro niini.
Miingon si CIDG-10 regional director Police Lt Col Reymund Liguden nga bisan wala pa nagmando si Pres Rodrigo Duterte pagpasira sa KAPA,mihimo na sila’g ‘case build up’ niini aron mapasayon ang pagpatuman sa balaod batok sa grupo.
Una niini,mismo si Pres Rodrigo Duterte ang nagmando sa NBI ug PNP-CIDG nga pasirad-an na ang tanang opisina sa KAPA tungod sa ilegal nga kalihukan niini nga naglihok sa Mindanao ug Visayas.
