(Update) CAGAYAN DE ORO CITY – Detinado sa kapolisan ang truck freezer wing van driver nga gikasungag sa Super 5 passenger bus nga nag–resulta sa kamatayon sa tulo ka pasahero ug 32 samaron sa Purok 1, Brgy Maputi, Naawan,Misamis Oriental.
Gibutyag ni Naawan Police Station commander Major Belmer Alinas nga maoy detinado ang driver nga si Jolly Pilones nga taga-Brgy Diclum,Manolo Fortich,Bukidnon samtang apil sa 32 ka angol ang bus driver nga si Arnold Allanic nga lumad taga-Ozamiz City ug temporaryo nang residente ning dakbayan.
Giila usab ang mga nanganamatay subay sa dokumento nga sila Anthony Reyes,hingkod ang edad; Jasper,minor samtang ang usa padayong giila nga pulos taga-Misamis Occidental.
Namahayag si Alinas nga tungod sa hitabo,mag-atubang sa kasong reckless imprudence resulting multiple homicide;multiple physical injuries ug damage to property si Pilones bisan ang bus ang misimang sa pikas opposite lane rason sa bangga ug nahulog pa sa pangpang ang mga biktima.
Paspas gipangdala sa nagkadaiyang ospital ang mga biktima apil si Allanic apan tulo kanila ang dead on arrival.
Tungod sa pagkahulog sa bus sa pangpang epekto sa bangga,nahiagom sa seryosong mga samad ug bun-og ang mga pasahero hinungdan nga dunay mga biktima nga gisulod sa Northern Mindanao Medical Center.
Hisayrang gikan sa gikan sa syudad ang bus ug padulong sa Dipology City dihang gikasungag ang freezer van nga gikan Iligan City sa accident area.
