(Update) CAGAYAN DE ORO CITY – Gawasnon na ang wing van driver nga si Ralph John Diama bisan sa kamatayon sa magtiayong Roberto ug Veronica Labjata nga taga-Poblacion,Tupi,South Cotabato sa dugu-ong aksidente sa Sayre Highway,Sitio Damay,Brgy San Vicente,Sumilao,Bukidnon.
Kini human gipasalig sa agalon ni Diama nga tubagon ang tanang galastuhan sa kamatayon sa mga biktima ug pagka-angol sa helper sa prime mover truck helper nga si Christian Garcia.
Gibutyag ni Sumilao Police Station commander Lt Sunday Apan nga ila na unta han-ayon ang mga papeles sa pagduso’g kaso apan misulod sa ammicable settlement ang duha ka panig kagahapong adlawa.
Tungod niini,gikonsiderar na nga sirado ang kaso rason nga gibuhian ang suspek.
Dumduman nga kuyog sa suspek sa pagmaneho sa van nga kargado sa scrap metals ang iyang ginikanan nga sila Felix ug Vivian Diama nga pulos taga-Davao region.
