CAGAYAN DE ORO CITY – Gikasuhan na ang drayber sa wingvan nga nakabangga-patay sa tulo ka tawo diha sa Poblacion, Libertad,Misamis Oriental.
Miingon si Libertad Police Station commander Police Capt. Rham Camelotes nga mismo ang pamilya sa mga namatay miduso sa kasong reckless imprudence resulting to multiple homicide, physical injury ug damage of property batok kang Ritchie Montecalbo nga taga-Bukidnon sa piskalya ning syudad kagahapong adlawa.
Natigayon ang aksidente dihang nawad-an sa brake ang van hinungdan nga mibangga kini sa RTMI bus padulong sa natagbong motorsiklo ug sa pedestrian nga nagtindog daplin sa dalan.
Namatay sa aksidente ang pedestrian nga si Tomson Dicdican, 57-anyos taga Libertad, Misamis Oriental; drayber sa motorsiklo nga si Rodelio Orquillas Jr, 34-anyos.
Miapas usab sa pagkamatay ang backride nga si Elly Figuracion 47-anyos samtang samaran ang kauban niini nga si Rolito Amilao, 24-anyos pulos residente sa Purok 3, Pangayawan Gitagum ning lalawigan.
