CAGAYAN DE ORO CITY – Giawhag na sa Commission on Elections o Comelec ang mga daug ug mga pildi nga kandidato nga sugdan na ang pagduso nila sa Statement of Contributions and Expenditures o SOCE pipila ka adlaw gikan sa nalusad nga May 12 elections.
Kini agi’g pagsanong sa mga kandidato sa maong obligasyon isip kasuguan sa balaod kung aktibong milambigit sa bugnong lugaynon sa nasud.
Gibutyag ni Comelec-Misamis Oriental Provincial Election Supervisor Atty. Carlito Ravelo nga dili angay pasagdan sa mga kandidato ang maong obligasyon kay mando kini sa balaod.
Paagi kini sa gobierno aron masubay ang mga kantidad sa salapi nga nagasto sa matag-kandidato nga haom sa kasuguan sa balaod.
Siya miingon nga kung kinsa kadtong mga kandidato nga magpasagad ang mag-atubang sa tukmang kasong administratibo.
Kabahin niini ang pagdili na mga kandidato nga ipadagan sa sunod nga mga piliay ug pagkupot sa bisan unsa nga posisyon sulod sa panarbaho sa gobierno.
Hisayrang kutob ang sa Hunyo 11 ang pagdason sa mga kandidato sa ilang SOCE.
