Gipahinumdum sa ILAW Shared Community, Inc. ang publiko nga delikado ang withdrawal method sa sexual activity.
Gipasabot ni Jade Lumapas, volunteer sa grupo, nga ang withdrawal method dili garantiya nga dili mabuntis ang usa ka babaye, tungod kay gituohan sa kadaghanan nga kontrolado ra sa lalaki ang pagpagawas sa semilya.
Giingon usab niya nga ang dili paggamit sa condom ug reliance sa withdrawal method makahatag og dakong risgo sa sexually transmitted diseases.
Pinaagi sa “pre-cum,” posible gihapon nga mabuntis ang usa ka babaye.Gipahimangnoan sa grupo ang mga magtiayon nga mugamit og proteksyon sama sa condom aron mapugngan ang pagkalap sa STDs ug unwanted pregnancies.
Matod pa sa ILAW, ang husto nga paggamit sa proteksyon usa ka dakong lakang sa pagpanalipod sa kaugalingon ug sa partner. (James Oliver)
