Magsugod sa Marso 6 ang Women’s Month Celebration sa Cagayan de Oro City nga nagtangag sa temang “WE for Gender Equality and Inclusive Society,”.
Namahayag si Sol Mosqueda, focal person sa City Gender and Development (GAD) Office, nga kini nga kalihukan kabahin sa nasudnong selebrasyon ug gisuportahan sa buhatan aron mapalawom ang papel sa kababaihan sa komunidad.
Una niini, gi-anunsyo ni Mosqueda ang bag-ong logo sa GAD Office nga nagpakita sa dagway sa babaye, lalaki ug katigulangan, uban sa mga simbolo sa hustisya, patas nga proteksyon ug tawhanong katungod.
Samtang tolo ka bag-ong kolor nga gilangkoban sa pink nagpasabot sa empowerment, care, advocacy; ang blue nagsimbolismo sa pagsalig ug fairnes; ug violet nagrepresentar sa equality ug justice. Kini nga mga kabag-uhan mihatag sa mas lig-on nga mensahe sa gender equality, disability ug inclusion.
