CAGAYAN DE ORO CITY – Gibadlong ni Fr. Teresito “Chito” Suganob ang word war tali nila Vice Pres Leni Robredo ug Presidente Rodrigo Duterte. Kini human sa unang bulan sa bag-ong tuig, nagpalugwa sa mahalang nga expose’ si Robredo batok sa kahiwian ug kapakyasan sa war on drugs sa Duterte Administration.
Mi-apelar si Suganob sa duruha nga dili magpakauwaw sa ilang mga lihok ug sulbaron ang kakulian sa usa ka ahensiya pinaagi sa dayalogo ug dili pinaagi sa paggamit sa telebisyo o radyo aron mapabati ang sayop, inay ang mga maayong nahimo sa gobyerno.
Giawhag ni Suganob ang duruha nga likayan nga magbahin-bahin ang katawhan tungod sa mga managsumpaki nga mga data nga ilang ipagawas.
