CAGAYAN DE ORO CITY, Philippines – Nagtinubagay sila Department of National Defense Secretary Gilbert Teodoro ug Chinese Foreign Ministry Spokesperson Lin Jian kalabot sa pagdumili sa Estadus Unidos sa paghaw-as sa gipadala nga mga long range missiles sa usa sa EDCA Site sa nasud.
Namugos si Teodoro nga wala nanghagit sa gubat ang Pilipinas gamit ang maong armas apan, ang Pilipinas ang biktima sa duga nang paghinawod sa China, particular sa paglusad sa opensiba sa Chinese Coast Guard sa West Philippine Sea.
Gipasabot ni Teodoro nga ang long range missiles, gigamit lang kini sa gilusad nga Balikatan exercise apan wala kini nagtumong sa pag-preposition sa Amerika sa ilang armas batok China.
Hisayran nga ubos sa Enhanced Defense Cooperation Agreement (EDCA), may kapas ang US Amry nga mag-transport sa Typhon missile system, usa ka land-based weapon nga may kapas nga mupalupad sa Standard Missile-6 ug ang Tomahawk Land Attack Missile.
Kini maoy gireklamo sa China, sukad milusad sa Joint Military Exercise ang Armed Forces of the Philippines ug US Militarty niadtong Abril, ning tuiga.
