CAGAYAN DE ORO CITY – Mihimo’g ‘wreath laying’ ang kadagkuan sa AFP Western Mindanao Command pahinungod sa sakripisyo sa kapi’g gatus ka sundalo nagbuhis kinabuhi batok sa teroristang Maute-ISIS sa Marawi City.
Kini alayon sa pagdumdom sa ikaduhang tuig diin nailog pagbalik sa gobierno ang Marawi nga gisulaya’g ilog sa magsoong Maute kuyog ang ISIS group.
Miingon si Army Col Jose Maria Cuerpo nga simple nga paghalad pag-ampo ug mga bulak lamang ang himoon alang sa lab-ason ang pagbuhis kinabuhi sa ilang mga kauban sulod sa 103rd IB,Philippine Army Camp sa Marawi City.
Mibisita usab si OPPAP Sec Carlito Galvez kinsa commander kaniadto sa AFP WestMinCom dihang natigayon ang kagubot sa Marawi tuig 2017.
