Dako ang gibating kalipay sa Pinay tennis star nga si Alex Eala tungod sa pagsaka sa iyang ranking sa Women’s Tennis Association.
Subay sa bag-ong ranggo nga gipagawas sa WTA, naa na siya sa ika-155, gikan sa miaging 162 spot, duha ka semana ang nakalabay.
Sa pagkakaron, si Eala nakasulod na sa quarterfinals sa W100 Vitoria-Gasteiz doubles kauban ang French tennis partner nga si Estelle Cascino human gipildi ang managsuong Carolina ug Jimena Gomez.
Kahinumduman nga bisan napakyas ang 19-anyos nga si Eala sa pagsulod sa Wimbledon, wala siya mawad-i sa kadasig sa pag-apil sa nagkadaiyang international events.(Bombo Anne Quileste).
