ESTADOS UNIDOS – Muretiro na sa pag-wrestling ang sports star ug actor nga John Cena.
Gi-anunsyo ni Cena ang iyang retirement sa World Wrestling Entertainment o WWE.Kini atol sa pagtambong sa WWE Money in the Bank event sa Canada.
Gibutyag sa 47 anyos nga wrestler nga duna pa gihapon siya’y final in-ring competition sa 2025 isip tipik sa iyang farewell tour.
Gikonsiderar si Cena isip pinakasikat ug pinakabanggiitan nga professional wrestler diin miabot sa 16 beses ang iyang pagkab-ot sa world champion titles sukad kini misalmot sa WWE niadtong 2001.
Tuig 2006, misulod kini sa Hollywood dihang nakuha siya sa cast sa pelikula nga “The Marine”.
Nasundan kini dihang nakita sa mga direktor ang iyang maayong pag-acting pinaagi sa mga pelikulang “The Suicide Squad”, “Fast and Furious 9” ug “Teenage Mutant Ninja Turtles”.
Hawid ni Cena ang Guinness World Record nga dunay pinakadaghang natuman nga “wishes”, gikan sa Make-A-Wish children Foundation.
Usa kini ka foundation nga nag-atiman sa mga batang anaa sa kritikal ang kondisyon gumikan sa managlahing sakit.
Daghan sa iyang fans ang wala ganahi sa iyang anunsyo.(Bombo Anne Quileste).
