Padayon nga giatubang sa nasud ang mga hagit sa paggamit sa enerhiya ug pagpanalipod sa kinaiyahan, sumala ni Atty. Angela Ibay sa Climate Change and Energy Programme sa World Wide Fund for Nature (WWF).
Matod ni Ibay, gipalig‑on nila ang kampanya sa renewable energy, energy efficiency ug conservation pinaagi sa yano apan epektibong pamaagi sama sa pagpalong sa suga kon dili gamiton ug maampingong paggamit sa tubig, ilabi na sa panahon sa kainit.
Dugang pa niya, nakigtambayayong usab sila sa mga lokal nga kagamhanan, lakip ang Dakbayan sa Cagayan de Oro, pinaagi sa One Planet City program aron ma‑update ang greenhouse gas inventory ug mapalawom ang mga lakang batok sa kausaban sa klima.
Giingon usab ni Ibay nga dili lamang polusyon ang dapat tutukan karong panahona, kondili lakip usab ang sustainable food systems, disaster risk management ug biodiversity conservation, tungod kay dakong tabang ang kinaiyahan sa pagpamenos sa epekto sa kalamidad.
Busa iyang gi‑awhag ang publiko ug kagamhanan nga magtinabangay sa pagpatuman sa malungtarong solusyon aron mapanalipdan ang kalibotan alang sa umaabot nga mga henerasyon
