CAGAYAN DE ORO CITY – Suportado sa ubay-ubay’ng mga tinun-an sa Xavier University -Ateneo de Cagayan nga ipaubos sa impeachment trial si Vice Pres Sara Duterte sa kamarabaha ug senado.
Miingon si XU Central Student Government Pres. Kyle Chester Cotacte nga higayon kini nga madunggan nila ang kumpleto nga bersyon sa pagpasabot ni VP Sara batok sa mga pasangil nga mugna sa complainants sa maong mga kaso.
Miingon si Cotacte nga gusto usab sila masayod sa tinud-anay nga hitabo ilabina nga nalambigit ang minilyong pondo sa salapi sa katawhan nga giingong nawaldas sa buhatan sa bise-presidentee.
Hisayrang bisan ang ubang mga dagkong tunghaan sa nasud,ang mipadayag usab sa suporta sa maong lakang batok kang VP Sara.
