CAGAYAN DE ORO CITY – Nasakmit sa Xavier University’s accounting mngt graduate nga si Arianne Galenzoga ang bag-ong titulo sa Ms Cagayan de Oro Universe 2022.
Kini human gihimo ang Ms CdeO 2022 coronation night diin gipildi ni Arriane ang laing mga kandidata sa Atrium,Limketkai Mall ning syudad.
Maoy nangutana kang Galenzoga ang kontrobersyal actor nga si Gerald Anderson kon unsay buot ipasabot sa ‘modern woman’.
Si Galenzoga maoy otomatiko nga ipadala aron mo-representar sa Cagayan de Oro sa umaabot 4th edition sa Ms Universe Philippines ning tuiga.
Samtang nasakmit usab ni April Barro ang titulo nga Ms CdeO Pilipinas.Si Barro kinsa giila usab nga best in swimsuit ang tahasan alang sa Bb Pilipinas diin daghang mga titulo ang kapilian aron e-representar ang Pilipinas sa international pageants competitions.
Gani, si Cindy Obeñita kinsa kanhi Ms Cagayan de Oro ang produkto usab sa Bb Pilipinas nga mi-representar sa Ms Inter-continental ug milampos pagsakmit sa titulo didto sa Egypt.
Nagsilbing 1st runner up si Cris Antonette Teaño; 2nd runner up Blanche Nicole Villaruz;3rd runner up Shasha Patricio ug 4th runner up Luisa Merrey Bingtan.
Hisayrang ang pagbalik-pisikal sa Ms CdeO ang kabahin sa usa sa mga daghang aktibidad sa kapistahan ni Sr Agustin sa syudad ning tuiga.
