CAGAYAN DE ORO CITY – Nagsilbing top 5 perfomer ang Xavier University -Ateneo de Cagaqan Law School sa bag-uhay gilugwa nga bar examination results sa korte suprema kagahapong adlawa.
Kini human anaa sa 51 ngadto sa 100 ka bar examinees ang nakahimo sa maayong performance sa maong pasulit nga gihimo sa korte suprema sa tibuok nasud sa miaging Setyembre ning tuiga.
Sumala sa unibersidad,anaa sa 55 gikan sa 80 ka bar takers nila ang nagpasar nga adunay 68.75 percent passing rate nga mas dako pa sa 37.84 percent nga national passing rate ning tuiga.
Dugtong niini, nakahilak ang usa sa mga bar passer gikan sa XU-Law School nga si Atty Louie Jarales.
Kini human niya nasayri nga apil na ang iyang pangalan sa ikaduha niya nga pag-take isip bag-ong abogado sa nasud.
Siya miingon nga dili sayon nga moagi sa kapakyasan apan nasuklian usab kini sa katam-is dihang nakit-an niya ang iyang pangalan nga pasado sa lisod nga pasulit.
Samtang dili usab sayon ang naagian ni Atty Johana Pascua gikan sa Liceo de Cagayan University Law School sa tinguha nga gustong ma-abogado.
Kini tungod kay miagi siya’g tulo ka higayon nga wala makapasar sukad iyang pag-take sa bar tuig 2007.
Apan gigamit niya kini nga hinagiban aron makab-ot sa hingpit ang iyang pangandoy diin siya nagpasar na sa ikaupat nga pag-bar exam ning tuiga.
Una usab niini,apil ang Archdiocese sa Cagayan de Oro nga nalipay pagdako kay kabahin ang ilang pari nga si Fr Bong Galas nga nadestino sa simbahan sa Iponan ang nagpasar sa pasulod sa abogasiya ning tuiga.
Si Padre Galas ang tipik lang sa pipila ka pari sa simbahang Katoliko nga nagpasar sa pasulit ning tuiga.
