CAGAYAN DE ORO CITY, Philippines – Gipasigarbo sa Bureau of Customs ang mukabat sa 1,500 nga pagsanta sa kontrabando nga mubalor sa kapin 81 bilyon pesos, sa tibook tuig 2024.
Namahayag si Customs Intelligence and Investigation Service (CIIS) Director Verne Enciso nga misaka ang ilang operasyon gumikan sa lig-ong intelligence gathering sa ahensya.
Hisayran nga sa miaging tuig miabot lamang sa 729 ang ilang nasanta nga mga kontrabando nga mikostar sa 24 bilyon pesos.
Mas taas pa ang ilang agi ning tuig nga miabot sa 1,537 seizures, kundiin, ang labing daghang kontrabando nga nasanta nagsumikad sa CIIS-Manila International Container Terminal nga mibalor sa 55 Bilyon pesos.
Giawhag ni Commissioner Bienvenido Rubio ang iyang mga kauban nga ipadayon ang kadasig sa pagsanta sa mga kontrabando kay daku kini’g impak ekonomiya sa nasud.
