CAGAYAN DE ORO CITY, Philippines – Makabalik sa serbisyo si Cagayan de Oro Water District General Manager Antonio Young oras nga mapirmahan na ang kontrata tali sa Local Water Utilities Administration (LWUA) nga sila pahulmon sa kantidad nga ilang kinahanglan aron mabayran ang Cagayan de Oro Bulk Water ug Metro Pacific.
Namahayag si Atty Proculo Sarmen, convernor sa Citizens Alliance for Water Service Action nga taas pa ang proseso nga agi-an tali sa LWUA Appointed Officials nga mihupot karon sa administrative function sa water district tali sa kampo ni set-aside – GM Young.
Namugos si Atty Sarmen nga unom ka bulan lamang ang gihatag nga deadline ni Presidente Bongbong Marcos aron imbestigahan ang financial crisis nga gi-atubang sa water district ug kinahanglan mapasa sa mga appointed officials ang ilang resulta sa imbestigasyon.
Gitin-aw ni Sarmen nga dili kinahanglan sa duha ka kampo ang internal friction o inilogay sa administrative functions tungod kay nakalatid sa Presidential Decre 168 ang mando nga pwede gamiton sa LWAU ang ilang technical nga kapasidad sa paghupot sa nagtakilid nga mga water district.
Hisayran nga gitukod ang LWUA aron magpa-utang sa nagkalisud nga water districts sa tibook Pilipinas.
