CAGAYAN DE ORO CITY – Gikalipay sa 4th Infantry Division ang report sa kauluhan nga dunay mga “young professional” nga gilangkuban sa mga abogado, magtutudlo ug mga anaa sa private sector nga nag-inisyar sa pagpangitag ebidensya aron iduso ang kasong “terrorism” batok kang Communist Party of the Philippines founding Chairman Jose Maria Sison.
Gibutyag ni 4ID spokesperson Major Regie Go nga daku kining timailhan nga nakamata na ang mga batan-on ug ang pribadong sektor sa kadaut nga gipaluyuhan sa CPP-NPA.
Subli, nanawagan ang 4ID sa tanan katawhan sa komonidad nga magkahiusa nga abugon ang mga rebelde nga maoy hinungdan sa 51 ka tuig nga pag-antos sa mga namuyo sa conflict areas sa Northern Mindanao ug Caraga Region tungod sa ilang walay pulos nga insurhensiya.
Una niini, mihimog indignation Rally ang PNP, AFP, IPs, ug LGUs nga nagkondinar sa selebrasyon sa ika-51 ka tuig nga anibersaryo sa CPP-NPA NDFP.
