CAGAYAN DE ORO CITY – Gipalapdan pa sa US-based company nga Space Exploration Techonologies Corporation o SPACEX ang ilang pagserbisyo pinaagi sa paghatag sa paspas nga internet connection sa kalibutan diin dili ulahi ang Pilipinas.
Gitahasan ni SPACEX founder Elon Musk si Rebecca Hunter aron representahan kini sa pakigtagbo ug nakighisgot kang Kathryna Yu-Pimentel kinsa nagtinguha usab makabaton ang nasud sa fast internet connection pinaagi sa Starlink.
Naila ang kompanya ni Musk kinsa technology billionaire nga may kapas makahatag sa labing paspas nga internet services pinaagi sa satellites nga ubos lang ang altitude nga gatuyok sa kalibutan.
Si Kathryna kinsa unang nominado usab sa PDP Cares partylist ang kapikas ni incumbent Senator Koko Pimentel.
Hisayrang daghang nasud na ang gisudlan ni Musk tungod sa pag-interes usab niini nga makuha ang serbisyo sa iyang kompanya.
