CAGAYAN DE ORO CITY, Philippines – Nadag-an sa Pinoy gymnast nga si Carlos Yulo ang laing Gold Medal sa men’s division vault final alang sa nagpadayong Paris Olympics 2024.
Gidominar ni Yulo ang iyang mga kaatbang ug mikulit sa 15.433 puntos gikan sa una niyang ambak sa vault ug 14.800 gikan sa iyang ikaduhang ambak.
Mihimo ug kasaysayan si Yulo kay siya lang ang Filipino nga atleta nga misakmit sa duha ka medalyang bulawan pinaagi sa usa ka Olympics.
Mahinumduman niadtong Sabado sa gabii, unang nailog ni Yulo ang bulawang medalya sa men’s floor exercise gikan sa defending champion – Israel.
