Giklaro sa Concerned XU Alumni, Parents and Teachers (COPTAC) nga usa ka land grant o sales patent ang yuta nga planong i-develop sa Manresa campus sa Xavier University, matod ni Atty. Ralph Angelo B. Metrillo, legal counsel sa grupo.
Sumala ni Metrillo sa iyang interbyu sa Bombo Radyo, ang maong yuta gihatag sa gobyerno para sa katuyuang pang-edukasyon ug dili alang sa komersyal nga paggamit.
Dugang pa niya, giingon nga ang presyo sa maong yuta kaniadto mubu kaayo isip suporta sa edukasyon ug research nga mga programa sa unibersidad.
Gipunting usab niya nga ang orihinal nga gamit niini mao ang agriculture ug academic research nga dapat unta magpabilin subay sa kondisyon sa land grant.
Busa, gipasiugda sa COPTAC nga ang plano sa joint venture nga naglakip og commercial developments mahimong supak sa orihinal nga katuyuan sa maong yuta.
