CAGAYAN DE ORO CITY – Wala ikabalaka sa minoriya sa konseho kung tulo lang sila nakalusot aron makapadayon sa ilang pagpangalagad sa katawhan sa dakbayan.
Kini human sila lang ni District 1 City Councilors Imee Moreno,Aga Suan ug District City Councilor Yvy Emano ang nangdaug itandi sa administration candidates nga gihuptan ang mayoriyang kadaugan sa miaging Mayo 12 nga piliay.
Namahayag sila Emano ug Moreno nga dili suliran kanila kung tulo lang sila ni Suan kay obligasyon nila sa katawhan ang pagsilbi ug andam mobarog sa mga isyu nga nag-interes sa kadaghanan.
Dili babag kanila bisan kung wala pa sila’y kuptan nga komitiba kay katungod kini sa mayoriya kung manghatag sila o mohikaw kanila.
Apan dili kini makapaluya kanila aron itahan ang ilang mga baruganan pag-abot sa mga nag-unang isyu sa dakbayan.
Si Emano nga kinsa igsoon nila ni Misamis Oriental 2nd District Cong. Bambi Emano ug Tagoloan Mayor Atty. Nadya Emano-Elipe ang kabahin sa line-up sa Team Padayon OSM gikan sa distrito dos ang nagbinugtong nakalusot apan numero uno sa tanang kandidato sa segundo distrito.
Samtang si Moreno kinsa anak ni kanhi City Mayor Oscar Moreno ug Suan nga igsoon ni Cagayan de Oro 1st District Cong. Lordan Suan ang bugtong nakalusot lang sa distrito uno batok sa bando ni re-elected City Mayor Rolando ‘Klarex’ Uy.
Hisayrang gipukan ni Klarex si Oca sa ilang panagtigi pagka-mayor ning syudad.
