Gi-kumpirma ni kanhi magbabalaod Mike Defensor nga andam mu-testigo si kanhi Ako Bicol Partylist Representative Zaldy Co pananglitan nga musaka sa Kongreso ang impeachment complaint batok Presidente Ferdinand Marcos Jr.
Sumala kang Defensor, aduna siya’y direkta nga komunikasyon kang Co nga matod pa niya, misuporta sa maong kaso.
Namahayag si Defensor nga mugawas lang si Co isip testigo kung muabot na ang kaso sa House Committee on Justice diin gibutyag ni Co nga anaa siya’y impormasyon bahin sa mga anomalya sa flood control projects, sama sa pagbahin-bahin sa kwarta ug paghan-ay sa pondo alang sa unprogrammed budget.
Mahinumdumang si Co ang kanhi Chairperson sa House Committee on Appropriations diin na-aprubahan ang mga national budget sukad tuig-2023 hangtud sa tuig-2025. (Phillip Ariata)
