Mas nahimong makabungog ang laing hugna sa video message ni resigned Ako Bicol party-list Rep. Zaldy Co sa SOP collections sa Bureau of Customs ug kita gikan sa importasyon sa asukal ug sibuyas. Iyang gibutyag nga nalambigit sa pagkontrolar sa importasyon ang igsoon ni Lisa Araneta Marcos, nga si Martin Araneta. Mi-ingon si Co nga kining tanan, iyang nasayran pinaagi sa pagsugilon kaniya ni kanhi Speaker Martin Romualdez. Gawas sa importasyon, kontrolado usab sa igsoon sa First Lady ang presyo ug importasyon sa bugas ug kakunsabo niini ang pipila ka opisyal sa Bureau of Customs. Namugos si Co sa sistematikong pagpanigas nga gipaluyuhan sa bug-at nga mga personalidad nga konektado kang Presidente Bongbong Marcos ug Representative Romualdez busa bisan sa daghang pagsulay nga madungog ang isyu sa kartel sa sibuyas, bugas ug asukal, wala kini tsansa nga mi-aginod sa senado kay gimando sa first lady nga ipaundang ang hearing. Sa kinatibuk-an, gibasol ni Co ang presidente, ang first lady, mga paryente sa iyang kapikas, ka konsabo sa BoC, pipila ka magbabalaod sa kamarabaha ug ig-agaw nga si Romualdez nga maoy promotor sa kalisud sa katawhan sa naglabay nga tolo ka tuig.
