Nag-una si resigned Ako Bicol partylist Rep. Zaldy Co nga gi-presentar ni DILG Secretary Jonvic Remulla nga unang gimando sa Sandiganbayan nga dakpon gumikan sa pasangil nga nalambigit sa flood control project scandal.
Kini human unang gipahibalo ni Pres Bongbong Marcos nga pito sa mga anaa sa arrest warrant ang ubos na sa kostudiya sa mga otoridad.
Gawas kang Co kinsa nagtagu-tago pa gawas sa nasud,kabahin sa mga manubag sa mga kaso nga nasang-at sa Sandiganbayan sila Anthony Ngo;Noel Cao;Consuelo Aldon;Cesar Buenaventura;Aderma Alcazar;Timojen Sacar;Felisardo Casuno;Lerma Cayco;Montrexis Tamayo;Dennis Abagon;Juliet Calvo;Dominic Serrano;Ruben Santos Jr;Gene Ryan Alte ug Gerald Pacanan.
Siya miingon nga ang pagpadakop sa maong mga personalidad kabahin sa proseso sa sugo sa balaod aron mahatagan sila sa higayon makatubag sa mga sumbong batok kanila.
Si Co ang nagsilbing pinadako sa mga unang dakponon apan pabiling gi-demanda sa katawhan ang mga anaa sa posisyon nga apil sa lapad nga kurapsyon nga pabiling gilikay nga ma-imbestigaran ug makasuhan,
Napalugwa’g dali-dali ang warrant ni Zaldy human ang iyang pagbulgar nga mando ni Marcos ang 100 bilyones pesos nga budget insertion sa 2025 general approprations act diin giingong gibahin-bahin nila ni kanhi House Speaker Martin Romualdez.
Hisayrang namugos si Marcos nga siya ang nagbulgar sa maong kurapsyon samtang si Romualdez ang kusganong nanghimakak nga nalambigit sa grabeng pagpanulis sa pondo gikan sa katawhan.
