“Walay rason”.
Kini ang tubag ni Majority Floor Leader Kagawad Edgar Cabanlas sa pangutana ni Minority Floor Leader Councilor Agapito Eriberto Suan kung ngano wala sila gigahinan sa chairmanship sa 28 ka mga standing committees sa 21st City Council.
Namugos so Cabanlas nga napamatud-an na niya sa taas nga panahon nga halos walay mabuhat ang partido sa oposisyon kung magpatawag sa committee hearing kay mahadlok mutungha ang ilang mga resource person nga nanarbaho sa gobyerno, ug mabutang sa pagduda ang mga impormasyon nga ilang ipagawas.
Gipamugos sa beteranong konsehal nga ang tingog sa mayorya ang kinahanglan madungog sa katawhan ug ang majority coalition maoy dunay katungod sa pagpangulo sa mga komitiba tungod kay sila ang nakadaug ug nakakuha sa suporta sa kadaghanan.
Ang sunod nga pamahayag nila Minority Floor Leader Councilor Agapito Eriberto Suan ug Majority Floor Leader Kagawad Edgar Cabanlas.
Hinoon, gisulbad ni Bise Mayor Bebot Rodriguez, presideng officer sa konseho ang isyu nga gisaka sa Minority bloc pinaagi sa pag-awhag kanila nga mutambong sa tanan committee hearings bisan wala silay chairmanship ug dili miyembro sa mga komite.
Gihimong pananglitan ni Rodriguez ang iyang kaagi niadto nga wala hatagi sa chairmanship kay anaa siya sa oposisyon, apan, siya miingon nga wala kini nagpaluya kaniya kay dili man kini babag sa iyang paghatag sa tinunay nga serbisyo sa katawhan, ning syudad
