Subay sa opisyal nga pagpadagan sa Green GSM Taxi nga gikan sa Vietnam diri sa dakbayan, nagkahiusa ang mga lokal nga taxi operator ug driver sa Cagayan de Oro aron dili masapawan ang ilang panginabuhian.
Gikumpirma ni Bernie Jamaca, ang presidente sa Cagayan de Oro First Taxi Drivers Alliance o CAFITADA, nga nakigsosyo sila sa HAIL PH nga usa ka kompanya sa Pilipinas aron makakuha usab sila og mga electric vehicle o EV taxi.
Pinaagi niini, magpahigayon og importanteng tigom si Mayor Klarex Uy karong Huwebes tali sa mga lokal nga operator alang sa pag-utang og bag-ong e-vehicle gamit ang rent-to-own program ug zero downpayment.
Gamiton sa mga driver ang dropping ug substitution program sa LTFRB aron mailisan ang ilang mga daang unit ug makatuman usab sa balaod bahin sa renewable energy ug zero emission sa siyudad.-
