Gikumpirma sa pamunoan sa Barangay Camaman-an nga zero incident o aksidente ang natala sulod sa Bolonsori Memorial Park sugod kagahapon.
Gibutyag ni Barangay Kagawad Alicia Cabili nga malinawon ug hapsay ang tibuok nga seguridad sulod sa sementeryo samtang naka-standby usab ang ilang medical team.
Gipasabot sa opisyal nga ang nag-unang nahitabong health concern mao ang pagtaas sa blood pressure sa pipila ka mga senior citizen ug batan-on tungod sa kainit sa adlaw sa buntag.
Gihangyo sa kagamhanan sa barangay ang mga mobisita karong adlawa nga magdalag payong ug tubig aron dili ma-dehydrate o atakihon sa altapresyon.
