Nagpadumdum ang Archdiocese of Cagayan de Oro sa tanan katawhan ug ang lokal nga kagamhanan nga dili lang sa bulan sa Enero angay tutokan ang pagmentinar sa kalimpyo sa dakbayan sa Cagayan de Oro.
Sa pagsaulog sa Zero Waste Month karong bulana, namahayag sa Bombo Radyo si Archdiocese of Cagayan de Oro Integral Ecology Coordinator Donna Echalico nga ang zero waste management kinahanglan puy-an sa katawhan sa syudad.
Gibutyag niini nga ang basura nga wala madumala sa insakto ug usa kini sa hinungdan kung nganong mas grabe ang epekro sa kalamidad sama sa bagyo ug pagbaha sa lokalidad.
Gipanawagan sa Simbahang Katolika nga magmatngon ang katawhan sa “ecological conversion,” o pag-ila nga ang kalibutan isip gasa sa Kahitas-an ug responsibilidad sa katawhan nga ampingan kini ug atimanon.
